لاتبعث لي أخبارك

خلاص يا زين ما همتني أخبارك
لا عاد ترسل علي.. ولا تطمني
اليوم قررت أسافر وأترك ديارك
وتموت ما جاك مرسول الخبر مني
تعبت من لوعة الفرقا.. وتكرارك
خلاني أكره جميع الناس وازعلني
لو كان مخطي ولا قدمت معذارك
ماعاد لي فيك حاجه.. وابتعد عني
رح لا تجيني وكمل درب مشوارك
خل الليالي تخيب فالعرب ظني
أحسبك عندي من أول فوق مقدارك
وأحسب رضا الناس عندك شي متعني
أثر الشعر من يمينك لآخر يسارك
مأخدك تلعب مع الشعار وتغني
شف كيف صبري تعدا حد معبارك
والعز فالنفس.. كملني.. وجملني
خلاص يا زين لا تبعث لي أخبارك
فارق عيوني ولا من مت طمني
فهاد العلواني