لا لوعة الذكرى ولا طاري الشوق

خليتها لك كلها واحتضنها
ابطيت اغني كل مطرود ملحوق
وابطيت ماعوضتني في لحنها
محبتك وديتها كلها السوق
نزلتها في السوق واقفيت عنها
ماني عليها ياوليفي بمسيوق
تبي تروح بلاش ما ابغى ثمنها
لا عاد تلحقني مشاريه وحقوق
دام المحبه حضرتك من طمنها
بهرج واسولف واتسلى وابا اروق
فك النفوس الضايقه من غبنها
ماهوب صعب ارجع الطاق مطبوق
وانا الذي في وسط قلبه دفنها
لوكان كلي جرح واحزان وحروق
عسفتها واخفيت عني رسنها
غيبت شمسي بالهجر مالها شروق
ابطى علي اشراقها من حزنها
تاكل معاليقي وانا فيك مطفوق
من طيبتي ما ارفع يدك عن صحنها
طيري واحسبك فالهدد كلك فروق
شحت مخاليبك وبين عفنها
هاجر وكان تدور الحسن والذوق
في غير قلبي ماتحصل وطنها
الشاعر - مناحي الفرزة