فزع

ليلة البارح حلمت أني محاط
بأبشع الحالات والواقع سخيط
في مدينة حايمة فوق البساط
في مدينة عايمة تحت المحيط
شفت ناس تعيش فلة وانبساط
بين ناس تموت بالعيش البسيط
الغنى والفحش وأنواع الهياط
والفقر والجوع والطفل اللقيط
وشفت الأمراض المميتة في نشاط
وانفلونزا تموت الشخص النشيط
والذي يفتي بجواز الاختلاط
والذي يصفق له ينطط نطيط
وشفت من اعلا المناصب له تناط
والاحق بمنصبه ماله وسيط
الحكيم الصح واقف احتياط
والذي واقف يحكم مايحيط
وشفت من يمشي على حد السراط
ينعت بمتخلف وفكره سقيط
مابقى بالصدق والخير ارتباط
الأمين الصادق يسمى عبيط
وشفت سيل بقوته شايل وحاط
يبلع الآمن في بيته ويستشيط
والجبال اتفجرت: (يكفي تواط)
ليه يا الإنسان في ظلمك حويط
والفساد يجول بيدينه سياط
كلمته بالأمر ولسانه سليط
والأمانة بين رشوة وانحطاط
وجهها من قلة الذمة خليط
والجمل لو لاج في سم الخياط
مارجع من هالضحايا سمك خيط!
محمد بنيان