وطني العزيز

مساء الخير يا أجمل وطن في قلب من يغليك
سرى ليلك يفوح بكل عطر يطرب السامر
تصوّر يوم اسولف فيك يازين السوالف فيك
يانبض الروح ياصوت الفرح يالماضي الحاضر
مع طلة صباحي أشعل الفرحة عشان ارضيك
واسوق لك البروق اللي لحنها يبهج الخاطر
واشب لك الغلا واهديك من هاذي ومن هاذيك
تدلل يابعد عمر القصيد وحكمة الشاطر
وربي ياوطن اني افتخر لا مرّني طاريك
يانور الوحي ياارض الماجدين وعهدنا الزاهر
احبك من هنا لآخر وجود وكل شي يفديك
ياوجه السعد ياسيف السلام ومتعة الناظر
عليك الله وامان الله وهمّال المطر يسقيك
ياعشقٍ لك ورى حدب الضلوع المسكن العامر
عبد الله الطفيلي