يا غايبه

يا غايبه عن شوف عيني.. تعالي
الحزن خيم في عيوني ولا زال
الجو في قربك أشوفه.. خيالي!
واليوم.. انا والوقت في حرب وقتال
شمس الفرح غابت و ذا الليل طالي
والروح تشكي ظلمة الليل لا طال
يا غايبه .. كل سأل ويش حالي
وانتي .. ولا همك تروفين بالحال
مشغول بك والبعد زاد اشتغالي
حالة تفرد يا الغلا.. هجر واقبال!
صحيح.. (عزة راسي) اغلى حلالي
لكن.. جنوني مربطه حبة الخال
اشفق لشوفك.. كني آبو العيالي
واطرب لصوتك وانتشي حب وِهبال
يا فاتنه يا ام الغنج والدلالي
موروث صدك.. كل هم وغربال
روفي بقلبي يا بعد كل غالي
نار اشتياقي ذوبت ثلج الامال
وآذكرك يا نور عيني.. مثالي
يا ما مضى قالوا عن الشوق قتال
محمد بن معدي