جدة والعارض الماطر

العارض امطر وروع جدة بسيله
ابكى عروس البحر واغتال فرحتها
اجتاحها الحزن واخفى شمسها ليله
حتى الشوارع سلبها الموت ضحكتها
البحر يومي لها واحيان تومي له
جدة كذا طبعها ترسل تحيتها
الهم قالت كبير وتعبت تشيله
الحمل واجد وشالت فوق طاقتها
الصبر فيها ولكنه طفح كيله
معاد للصبر باقي بعد زعلتها
يا ويله اللي سرقها الحلم يا ويله
النصر باكر لها وتعود هيبتها
الكل يهدي لها مدحه وتدليله
جدة نغني لها ونحب روعتها
الحسن من حسنها يطلب وتعطي له
منها تغار المدن وتهاب شوفتها
يحكي لها دايم العاشق وتحكي له
عروسنا الكل غارق في محبتها
يارب عنها تشيل الهم وتزيله
وتحقق الأمنيات اللي تمنتها
مزهر الشهري