رفيف

تزهى في ثياب النور والدم الخفيف=ياحلو ضحكتها وطلتها وخفة دمها
تذوب من لمسة يديها وحشة الليل المخيف=وتنسى الزهور عطورها من عطرها وتشمها
احيان لو تبكي دلع يبكي لها القلب الرهيف=وأحيان أزعلها وأبكيها عشان اضمها
ازعل ولا أشوف الزعل يلمس محياها الشفيف=ياجعلني فدوة لضحكتها وفدوة همها
تامر وحن في طوعها من دون ليه ودون كيف=كلمة يابابا(( ثوق بي )) مثل العسل من فمها
ياحبها للعطر والسشوار واللبس النظيف=تغار من تسريحة وكحلة بنية عمها
في ذمتي ماعندي احلى شي من ضحكة رفيف=الا طراة الحب والتحنان في قلب امها