سحر الياسمين

أن كان تبغيها فراق ودمعتين
طيب بسيطة وأنت تامرني أمر
لكن أخاف أن هبت رياح الحنين
وقامت طيوفي بين حزاتك تمر
تردك الذكرى من أعماق السنين
وتقول لي موتني ناقص عمر
بالله علمني أحصلها منين ؟
وأنا طموحي أقطف وصالك ثمر
الليل موحش وأنت سيد العارفين
والنور في شوفك ولايهون القمر
شاعرك يطلق للمدى صوت(ن) حزين
من وين ماطالع لقى أيامه سمر
ياسيدي في صدري الواسع أنين
ولا شكيت الحال وفراقك جمر
تحتاج لك روحي ولا تهدى إلين
غيمة وصالك فوق صدري تنهمر
في غرتك أشوف سحر الياسمين
ذروة حلا بخدودك البيض الحمر
لكن ملامح غيبتك قامت تبين
جتني تبي تاخذ من أيامي عمر