السهر

هب السهر وأنا على حروة نعاس
وأشعلت ضوي للسهر ياحروفي
إن زارني شعري مع الليل لا باس
أهم ما عندي كرامة ضيوفي
قل للشعر ما ينحني للشعر راس
يقوله اللي لا عطا عهد يوفي
أنا رجاه اذا غديتو له الياس
لا تاقفون إذا لمحتوا وقوفي
ياللي وصالك غيث وفراقك يباس
أبطى سحابك عن صحاري كفوفي
ليتك تجي وتشوف جرحك على ساس
لا طاح حملك ما تعاتب كتوفي
جرحك على خبرك ورا حدب الأقواس
وأنا على خبري ظروفي ظروفي
على كثر ما مر شوفي من الناس
أكذب عليك إذا تجاهلت خوفي
أخاف من موت الحكي بين الأنفاس
من غيبتك يا أعز من مر شوفي
محمد الحويماني