رساله إلى الجيش العربي السعودي

إلى جنودنا البواسل المرابطين في سبيل الله لحماية الدين والوطن
التحيه من وطنا للجنود=جند أمّه أخضعت كل الامم
عاشوا الابطال جيش آل السعود=داحرين الشر حامين العلم
ونت يا خاين بلادك والعهود=يا عميل الشر يا خاسي الذمم
والله مالك حظ في دار الاسود=والثعالب مالها موضع قدم
البواسل رابطوا عند الحدود=رفرفت راياتهم فوق القمم
المدافع زمجرت مثل الرعود=والصقور العاليه تقذف حمم
والرجال اللي عريبين الجدود=رافعين الراس عالين الهمم
ياردون الموت انعم من ورود=ياردونه ما يهابون العدم
يعشقوا شوي الجماجم والكبود=لاالتقا الجمعان والحرب احتدم
هم على حد الوطن مثل السدود=من تحرش بالوطن ذاق الندم
نرفع البيضا لهم فوق النجود=والشكر من أرض طيبه والحرم