انت الامام الصدق

سلام يا سلمان رمز القياده
صقر العروبة يوم طير العدى حام
نادر وفي عينك شنار وحداده
من هدتك جول العدى يمسي أقسام
صقارك معزي وحقق مراده
صدت المكارم وأخمر لظلك أخصام
امنومسن عبدالعزيز بهداده
هدك وصدت العز منته بحوام
وليل المجوس أزحت عنا سواده
اللي غفينا فيه من عدة أعوام
وعيتنا واللي ثقيلٍ رقاده
عساه للمرقد والى نام ما قام
واللي بطولاته خطاب واجاده
خليفة لاخوانه وراس وامام
كانه يبي تجديد فلم الاباده
ياتي وله منا مصقل وصمصام
هو يحسبن شبه الجزيرة بلاده
مسلسلات كلها كذب وأفلام
شبه الجزيرة كان يبغي الإفاده
ارمالها بارود وعيالها الغام
ينشد عن اجدوده ويلقا الشهاده
عاد السلاح ارماح وابيوتنا خيام
مما الجزيرة جافلاتن جياده
وقبورهم في بطن ضبعه وضرغام
انت الامام الصدق ماهيب اشاده
درع على الجار وعلى الظالم حسام
تخدم ضيوف الله وتسقي عباده
ما باقي الا تلبس المحرم احرام
وعدو دينك ما تدور وداده
ومن عاهدك يأمن لو يعبد الأصنام
ومن حاربك ما والله يلحق مراده
يشوف زولك تنذره كل ما نام
ويجفل من رقاده وشوف الوساده
ويعض من كثر الندم راس الإبهام
ما ينحني راسك سوى في العباده
ولا العدو راسه توطيه بخطام
واللي على الاسلام يسرج جواده
حذوة جواده تصبح لشدقه لجام
زرع اليمن قبل يتكاثر جراده
ارسلت له حارث وزارع وصرام
وحدت الامه بالعزم والاراده
قلبك مع صنعاء وعينك على الشام
وسلام يا محمد وريث العقاده
ولي عهد ولامن ديرتك صمام
صخرت نفسك للوطن وانفراده
ونزلت بين الشعب من دون بسام
ابشرك شعبك يحبك زياده
وصورتك خلفية لشاشات الايتام
ف أمن الوطن ما في فوادك هواده
وعندك لخشم الفاسد الطاغي خزام
وسلام يا بيرق يضم الشهاده
ما ينتكس في يوم تنكيس الاعلام
على البيارق له شموخ ورياده
بالسيف الاجرب تحت مفتاح الاسلام