تغريداتي ( اجتماعيه - غزليه - وطنيه - ) موسوعة إعيونك دواوين الاشعار فيها هوى شاعر وفيها ترف ليل رد اعتبار الشمس لعيون الازهار يالجادل الرعبوب يافتنة الجيل _________________ ماللوفاء والعز قيمه بدونك يامصدر الابداع يابحره الجم ياكثرهم في خاطري يحسدونك يوم الشعر ماله خوال (ن)ولا عم" _________________ يازين من يسجد لربه وناجاه في ساعة (ن)كل الخلايق نياما الموت مايعرف هل المال والجاه كل البشر عنده سوى بالتماما _________________ مهره يروضها على العز خيال تبقى على حب المعالي شغوفه _________________ لو نسال التاريخ من لابة الدوف ؟ جاوب بكل الفخر روس الشيابين فعل الردى عنكم اصمن ومكفوف ياللي لكم في كل دوله ميادين اهداء/ للشيابين عتيبه _________________ ياباسط الدنيا ورافع سماها سجل حضوري في صفوف المصلين هذي هي الدنيا بعيد (ن)مداها ياماطوت تحت الثرى من سلاطين _________________ فكرك . واختيارك. وذوقك هي صورتك.لوكان وجهك محجب يعني بقايا ذكرياتك وشوقك بعقلك .خل بينك وبينا تعجب !! _________________ لوفهمنا بالزمن ذا حاجتين ماكتبنا اشعورنا نظم ونثر تكتب الارزاق. وبن آدم جنين والقدر نافذ. وأمانينا كثر" آرى ملامح صورتك في حروفك تعكس معاناتك وقسوة سنينك ! ___________________ ودي اهيم بعالمك وانحر الشوق وافجر احساس الغلاء في كيانك يازهرة الدنيا وياقمة الذوق جمال كل الكون سره حنانك _________________ ياهاجسي خل القلم واترك البوك واشلع برجم دونه الذيب عاوي باب الشعر مفتوح ماهو بمصكوك وانا على الشرد من الشعر قاوي _________________ أخشى خيالي فيك يبتز الاشعار ويسرق بنات الفكر من كل شاعر يكفيك مع طلتك تختال الازهار والعطر يرشف منك نبض المشاعر _________________ دايم تلاقي في وجيه المطاليق محجى ومنجى بالليال العسيره عز الرجال اللي تصون المواثيق ماللردى في طبعهم اي سيره _________________ اللي قطع في داخلي حبه اميال يبقى منى قلبي وجرحه وطبه ملامحه مع رقصة الموج تختال وسر الجمال بكوكب الارض صبه _________________ مايستغل ظروف خلق الله سوى الرجل الضعيف وما ينصر إضعوف البشر إلا الرجال الاقويا _________________ ماكل من يكتب من الشعر بيتين ينقاله مبدع وشاعر حماسي كم يابيوت (ن)وزنها وزن فلين وكم بيت ثقله كالجبال الرواسي _________________ كثر الهياط وكثرو أهل البعارين وكلن شرى بالمال عزوه ولابه ياللي مجمد في حسابك ملايين كم واحد (ن)محتاج دقيت بابه ؟" _________________ يامدعين الشعر منتم هلن له نسمع رعودن بس من دون نوه العبدلي ديوان اقرو سجله الشعر حدد عند حضرة سموه _________________ الشعب واحد في ولاه وسلومه ماينقسم بالكيد صف المصلين يحيا العلم خفاق تحيا الحكومه في ظل عبدالله كعام المعادين _________________ اسألو التاريخ دامتها عزاوي من هل العوجا ؟ومن نجد العذيه من هل الامجاد والتاريخ راوي من هل الوقفات والنيران حيه _________________ إرسم على وجه التفاؤل طموحك واحسن نيتك. وباب الاحباط سده العنصريه جهل . يهدم صروحك والعلم نور . كل جهل(ن) يصده _________________ بنحت على صم الصخور الجلاميد كل العوايد في زمنا يتيمه ضاعت سلوم الوقت بين الاجاويد والحال يبكيها وروحه سقيمه _________________ عزيز نفس وعزتي تنطح الغيم فوق الثريا فوق يا اهل المروه الحمدلله ماشكى راسي الضيم والمجد ربعي تلتقي في علوه _________________ ياسوريا العالم دموعه ذرفها ومن القهر قلبي تهاوت ركونه الطاهره تغصب ويهتك شرفها والطفل تذبح فرحته في عيونه اللهم انصرهم _________________ انحر على حد الشفق غيمة الحزن وابدى مع الايام رحلة سنينك تلقى سحايب غربتك تحمل المزن تعكس ملامح خيمة تو عينك _________________ عتيبه الهيلا شيوخ وسلاطين اعلامها فوق الثريا ترفرف بفعالها تشهد جميع الميادين في صحفة التاريخ اسم (ن)يشرف _________________ الحر بالمقناص يفرق عن البوم وهداج تيما منه الافكار شربن الحب دوله فيه حاكم ومحكوم واحيان بحرن دون مرسا وغبن _________________ ماودي اطرق باب بالحيل مردود اخشى القوافي تختلف في سراها واصبح عن الانظار غايب ومفقود تخطفني الامواج حزة لقاها . _________________ ضاع الرفيق وضاع معنى الاخوه لاتقتضي دينك من الناس بالدين؟ الدهر ما يخفاك خيره وسوه!! كم نكس أعلامٍ وجندل سلاطين _________________ ماذل نفسي عند ناس ولاشي يبشر بي اللي بالمواقف عنالي ماني من اللي زادهم ينأكل ني ياما اكلت الصيد عقب استوالي _________________
