الفنانة جيهان فاضل تعطي دروس للاخوان وتهاجم النخب السياسية

هاجمت الفنانة جيهان فاضل النخب السياسية في مصر ودافعت عن شباب الثورة، واكدت في تغريدة على موقع " تويتر" نشرتها شبكة (mbc.net)ان الاخوان لن يسيطروا على مصر .
وفيما يلي نص التغريدة :
"أنا متحيزة بشدة للثورة.شفت بعينى شباب بيموت برصاص العسكر و الشرطة...كنت شاهد عيان على أحداث و لقيت الأعلام بيكدبها بمنتهى الفجر.لفينا كعب داير على المعتقلين وقت ما كانت النخب بتجتمع في القاعات المكيفة و تطلع في التيلفزيون تنظر.
علشان كده في أوقات كتير بيبقى صعب عليه أفهم الناس اللي قررت تلعبها سياسة أو الناس اللي أكتفت بالفرجة.وعلشان دى ثورة فكل اللي سابوا الميدان سعيا وراء تكوين حزب والحصول على نصيب في البرلمان لقوا نفسهم بيصارعوا طواحين الهوا.وعلشان دى ثورة كل اللي كانوا قاعدين يتفرجوا لقوا نفسهم مضطرين يخدوا موقف.
وبرضه علشان دى ثورة ففوز مرسى مش معناه أن الأخوان سيطروا لكن معناه أن الأخوان حققوا مكاسب هي من حقهم و على التيارات الليبرالية أن تعمل جاهدة على تحقيق نفس المكاسب.
اللي شاف شباب واقف في الصفوف الأمامية بيواجه الرصاص لازم يبقى واثق أن مافيش حد هيسيطر على إرادته و الحرية مش مجرد حريتى أنا الشخصية ولكن حرية بلد عانت سنوات طويلة من القمع.قدامنا مشوار طويل وحنتعلم نحترم بعض و نتعايش رغم اختلافاتنا ".