ودعتني بسكات

سم وتوكل واعتذر كان صديت
مهي بزعله مير فاقد زمانك
الحظ ما همه وش اللي تمنيت
تدمي صدوفه خافقٍ دوم صانك
والفوت فات ولا رجع حين ناديت
والدرب عظم بلوتي يوم عانك
عين المفارق دامعه وان ترجيت
كل الاماني كلمةٍ من لسانك
كلمة احبك بسمها القلب عزيت
كان الفراق يهون واصبر عشانك
كم كنت انا الولهان للقاك لبيت
ولا زالت الاحضان تبكي حنانك
بين السماء والارض شفني تعنيت
لا اهدرت دم ولا عطيته امانك
ودعتني بسكات وبسكات رديت
لحظة سألتك خافقي كيف هانك
والموت كله لا ذكرتك وحنيت
ثم التفت ولا لقيتك مكانك