امتلكت الحسن

الرشاقه والاناقه والدلال
كلها متجمعه والله فيك
امتلكت الحسن يارمز الجمال
نافل ٍ بالزين ياعمري عليك
البها والملح والسحر الحلال
كامن بعينك مع غمّازتيك
الدلع ويّا الغنج ماعنك مال
ياجميل الوصف قلبي مهتويك
في عيونك شط وبرمشك ظلال
والعسل ينساب داخل شفّتيك
صار زينك للملا مضرب مثال
والتواضع ثوب ضافي يكتسيك
كل من شافك من الاحباب قال:
نلت كل الحسن ماشاء الله عليك
ماألوم اللي صرع عقله هبال
من جمالك ربي من خلقه يقيك
والله ان الشعر لاجاله مجال
تقصر الابيات من دونك تبيك
الحياه تكون في ظلك وصال
عاشقك رهن الاشاره بين يديك