كل الأسرار

يا الله يا اللي بقدرتك تنزل امطار
رب عظيم ولا خسر من لجا له
اسألك تجعل لي من الخير مدرار
وتصون نفسي عن دروب الجهاله
وترزقني برزقٍ به الخلق تحتار
رزقٍ حلال وماتجي به ظلاله
وترفع مقامي وانت للعبد نصار
وتعز شأني ياعزيزٍ جلاله
يارب مني ما شكى والله الجار
ولا عشت با الدنيا بمكر وحياله
وامي لها في داخل القلب مقدار
ابرها والبر عندي مجاله
يارب يا اللي عالم بكل الاسرار
تجعل دروبي كلبوها سهاله
ادعيك انا يارب في وقت الاسحار
يومٍ دعاك ايوب بدلت حاله
وعادت حياته من بعد كثر الاضرار
مع صحته عادوا بنيه وماله
يارب سهل لي صعيبات الاقدار
يا واحدٍ ما خاب من هو شكى له