طالت الفرقا

ارفق بحالي انا مثلك بشر
كيف ترخص بي وحبك بي يزيد
يا جمال الكون يا نور القمر
وش يفيدك وانت عن عيني بعيد
طالت الفرقا حياتي في خطر
وش لقيت من المحبة استفيد
كيف تهجرني ولا ترسل خبر
ما هقيت انك لتعذيبي تعيد
زادت جروحي وعذبني الهجر
وانت في دنياك يا ظالم سعيد
ساهر ٍ ليلي ولا فاد السهر
ونار بعدك قطّع احبال الوريد
الدقيقة يوم والساعة شهر
واظلمت دنياي وقلبك من حديد
لكن اسمعها وخذ منها عبر
الامر لله ولله ما يريد
رح وانا راشد ولا منها مفر
رح فمان الله وانا رأيي سديد
السحابة كان ما فيها مطر
ما تفيد الارض وافهم يا عنيد