بصمة ناعمة

حسبي عليك إن كان خيّبت رجواي
وش لك بجرح اللي يحبك ويغليك
يا عمره اللي راح واللي بعد جاي
وشلون هان اللي بروحه مساويك
وشلون لأيامك معه صرت نسّاي
ما كنت تبغيني.. مثل ماني أبغيك
ماكنت لك دنيا.. مثل ما انت دنياي
والله لأغيب إن راده الله وأوريك
وتشوف وش تسوى حياتك بلياي
والله لاعلمك القطاعة وأخليك
ترجي ولو كلمة..(هلا).. من شفاياي
تدري ولا هو يا حبيبي بخافيك
عنادي أقسى ميزة من مزاياي
حديتني.. واعلنت ضدّي تحديك
ابشر بروح ٍ.. ماخلفت ظن هقواي
بديتها وانا الذي قبل ناهيك
عما حصل.. لا شك.. ماتسمع الراي
منيرة القحطاني