آخر قطرة

سلام واللعبه غدت مفهومه
يا واحدٍ كبده علي منفطره
جتك القصيدة وافيه مختومة
من شاعرٍ غنا بها ع الفطره
برسالةٍ تشبه بياض علومه
تشعر بها حتى ليا آخر قطره
وسرقتها سرق السهر من نومه
حتى اشتهرت وصاب راسك بطره
ما تدري انْها يا صبي موسومة
وسمه على آخر بيت ب اول شطره
من يستعير من العباد هدومة
ماهو بيقضي من وراها وطره
البندق اللي شلتها ملغومه
شرٍ على اشباه الرجال وخطره
لو ثوّرت خبري بها مشؤومه
ترجع على من ظمّها منشطره
ما تقبل الاّ القوه المعلومه
شيخٍ يوازنها موازَن سطره
تنصى هدفها في صميم الثومه
ماهي بتنشد عن مسافة قطره
حبّيت انوّه وادلي بمعلومه
لو كان صوتي ما خرج عن اطره
اللي سرق بكره تبين علومه
واللي كتب يكتب ليا آخر قطره