الحد الجنوبي

لا تشيل هموم يا الحد الجنوبي
ولا يكدر خاطرك ويضيق بالك
غن لا هبت ذعاذيع الهبوبي
واعتبرنا من يمينك ومن شمالك
شف مكانك في العيون وفي القلوبي
ما يقرب من ترابك غير هالك
دونك اللي ما يهابون الحروبي
عن خصومك قفلوا كل المسالك
جيشٍ وشعب من خيار الشعوبي
كلهم في ساعة الحاجة فدا لك
المصايب من عزايمهم تذوبي
وأنت تعرف في الوغى وقفت رجالك
جيش اخو نورة ليا صارت شبوبي
بهروا كيفك وشربوا من دلالك
كل من جاء من تحت كهفه يحوبي
جعل فالٍ واجهه ماهوب فالك