الجنوب

فاتنٍ بالحسن والغيد الملاح
«الجنوب» اللي تملكني غلاه
الحلا والزين والسحر المباح
العيون تضيع في جملة حلاه
في ربوع ارضه تداعبك الرياح
والنسيم العذب لاذعذع حياه
تلتحف غيمه إذا البراق لاح
وينهمر لك قطر من عالي سماه
في ثراه العطر لا مريت فاح
والندى ع الورد غطاه وزهاه
ديرةٍ تلبس من عضاها وشاح
سر عينك ماتشوف وماتراه
جنة الدنيا مساها والصباح
حلم واقع ماتحقق لك سواه
الوفا والطيب فيها والسماح
والكرم والجود في ناس ٍ وفاه
خل عنك اللي مضى فاتك وراح
واتجه صوب الجنوب ارض الغناه