لآلئ شعرية

آتضايق والسبب عندي وجيه
ما اتضايق من خلاي إلى خلاي
وان شكيت لغير سفرين الوجيه
ماحدٍ منهم نشدني وش بلاي
والرجا باللي عباده ترتجيه
ماحدٍ غيره تعلق به رجاي
ومن يقطعها بكفي يوم اجيه
ما يَساوي خطوتينٍ من إخطاي
بالنصايح يحسب ان قدهُ وجيه
حذفةٍ توي وحذفه من وراي
والخجل مما حصل مايعتريه
يمتطي رايه جهل من دون راي
ماملك فكره وماحاشت يديه
لو تجمع ماملت لك كوب شاي
اشهد ان المال لو ولي سفيه
قام يلعب نوب رايح نوب جاي
يستسيق وكل شيٍ يشتريه
لين ماياجد شرا لو كاس ماي
الله لايبلا بماهو مبتليه
وان بغى يلقى من العالم سواي
ولو تضايقت السبب عندي وجيه
ما اتضايق من خلاي الى خلاي