الروض الخضر

سقاك الله يارجمٍ يهيض خافقي طاريه
إلى عامين ما اعطتني ظروفي فرصه امرّه
منول لا انزعجت وضاقت الدنيا علي اجيه
اجيه النفس زهقانه واروح النفس منسرّه
وسمت اجنوبه ابمشي القدم من كثر ماعديه
ماعمره ضاق لو اجيه في يومي مية مرّه
ليا مني جلست بقمته من غير وين وليه
احس النفس من جور الليال المعظله حرّه
يداري خاطري كنه خليلٍ خله يداريه
وهو ما يستفيد بشي لو اصغر من الذرّه
عطيته سري اللي تعجز حروف الهجاء توفيه
وحفظ سري وانا بين المحاني حافضٍ سرّه
عسى اللي يعلم الاسرار من غر المزن يسقيه
يعوضه في وقوتٍ خلت الاشجار محمرّه
وشوف الروض الاخضر كنه الزل الخضر كاسيه
واعديبه على الروض الخضر مال القدم جرّه
وجر الصوت بعلا الصوت لاعديت في عاليه
هذا قرة عيونٍ فالشدايد مالها قرّه.