راية العز

ياجبل دخان عضناك في ثارك وزود
العداء ندخل بلدها وناطا حدّها
كلنا لك ياوطنا مغاوير وجنود
انت قدٍ للمهمه وحنا قدّها
ما بقى لحصونهم بين أهل صنعاء وجود
جاتنا كلمة تحدي وهذا ردّها
رفرفي يا راية العز من فوق العمود
كلمة التوحيد مغبون من جا ندّها
لا تحدينا ندوس الجماهي والخدود
ندعس الروس الكبيره وتنسى جدّها
لا حربنا ندفن القوم الاحياء باللحود
من بلق عينه من اول ماعاد يلدّها
ان حلمنا يركد البحر لو ماله ركود
وان غضبنا كل نفسٍ تبيح سدّها
تحت أمر القايد اللي مضريها سنود
لو جبال طويق قدام رجله هدهّا
هاذا سلمان العروبه بلا شرط وقيود
انتبه ليديك والنار قبل تمدّها
وساعده الايمن محمد موفق ومحمود
كلما جت هجمةٍ فوق داره صدّها
قايد لجيش التحالف وعداه الحدود
عاصبٍ رأسه والاحداث واقف ضدّها
يقدح من الراس مايتبع خطط وبنود
لين طوعها على ود ماهو ودّها
حاضر بحاضر ماعنده تحلاف ووعود
العزايم لا تراخت بعزمه شدّها
ابشر بنصرٍ مؤزر وخلق الله شهود
حوثيٍ لابدها .. صفقته لابدّها