حزني طواني

وانبرى الحال يا منيف
وامن الحزن بيّحت ياخوي سدي
اللي سكن وسط الضلوع المهاديف
صارت ظروف الوقت ضده وضدي
ذكر الفراق آحد من ضربة السيف
لا من سمعته من حبيبٍ مودِي
وآحر من جمر الغضا حزة الصيف
لا صار مابه للمواصل مردي
ولو الوصل يشرى وياتي على الكيف
ما شفت حظٍ يالعضيد امتردي
يا منيف قدني يا عضيدي على جريف
وانا من اوّل كاسبه للتحدي
اتلى العهد به يوم كنّا مخاريف
اقفيت عنه ودمعتي فوق خدي