المحنّك

أبيات مهداة إلى سيدي صاحب السمو الملكي الأمير محمد بن نايف بن عبدالعزيز ولي العهد وزير الداخلية «حفظه الله ورعاه وأيده بنصره وتوفيقه»
يا سياسي يا حكيم ويا محنّك
فيك نفخر ونتنومس ونتباهى
يا ولي العهد شعبك عند ظنّك
يا وزير الامن يا حامي حماها
عزنا يا سيدي يزداد منّك
ديرتك يا سيدي الله معاها
لو طلبت ارواحنا فالحال جنّك
و دارنا ياسيّدي حنّا فداها
سيّدي يا سيّدي يكفيك بأنّك
نسل امير صورته محد نساها
نايف اللي علمك من صغر سنّك
كيف دينك عن حدوده ما اتْناها
يابو فيصل بالسياسة طاب فنّك
مملكتنا زايد فاسمك غلاها
انت وسط أنفوسنا ساكن كأنّك
نبضها واحساسها انت وضياها
القصايد كل ابوهن يمدحنّك
والمعاني انت ترفع مستواها
جعل دورات الزمن مايفجعنّك
ماتهاز المملكة وأنتم وراها