أهلا هلا يا طيب الساس والفال

ناديت جزلات المعاني والامثال
وجتني على طاريك مية قصيده
كل القصايد ودها فيك تنقال
لاشك ماتزهاك كود الفريده
يارمز وحدتنا على طول الاجيال
في جيتك كن الوطن عاد عيده
شفت العيون بجيتك دمعها سال
دمعة فرح ترسم غلاك وتعيده
سلامتك يا سيدي راس الاموال
ومن شوفتك كل الخواطر سعيده
محبتك بقلوبنا تشعل اشعال
عسى حياتك يا بو متعب مديده
لك هيبةٍ ماهي على كل رجال
وإسمك لحاله فيه جمله مفيده
عبدالله مسجل ضمن كشف الابطال
حاكم حكم شعبه با أقوى عقيده
حنا فدأ راسك وحنا لك اعيال
هذا الاكيد اليا بغيت الاكيده
قالو وصل مليككم تو با الحال
وقمنا نتباشر والقصايد وليده
حتى الفرح بيّن على وجيه الاطفال
حاير ويبغى فيك يكتب نشيده
شعبك عكس ياسيدي واقع الحال
لن الوفي ما رد كلمة عقيده
شعبك ابي وكل وقفه لها ارجال
عطيتنا واليوم بس وش تريده
واهلا هلا يا طيب الساس والفال
غنت لك اقلوب المداين وبيده
زايد جدهان فضيل الرويلي