على جنوب المملكه والحجازي ليلٍ سرى قامت تكاشف بروقه دون الوطن جيشٍ يذب النوازي والعاصفة حزم الجنوب معشوقه حنا هل العوجاء نقود المغازي ماهمنا الحوثي ولا من يسوقه دارٍ عزيز وله رجالٍ عزازي اخوان نوره كل علمٍ تفوقه حكامنا اللي فالقى والملازي البارح الحوثي لقى مايذوقه والحزم عند اللي بالامجاد فازي ابو فهد دون الوطن من يعوقه ومقرن عضيده فالقى ما يهازي مع الوديعه ماضياتٍ طروقه وولي ولي العهد بالمجد نازي هذا ولد نايف لبس منه طوقه عطاهم الايعاز علمٍ يجازي ونفذ وزير الجيش فعلٍ يشوقه غاره ورى غاره بفعل ونجازي ويرد حق اللي مضيّع حقوقه خذا محمد من ابوه امتيازي حرٍ شهر ماهيب تقضب سبوقه وزير جيش وبالمهمات وازي انشهد ان ابوه ثبت عموقه
