لآلئ شعرية

الشعر بحرٍ لا نزلت بغبّه
إي والله انّي ما اخيّب ظنّك
أجيب دُرّه والفراغ اذبّه
وأستعذب أبياته قبل يقرنّك
أكذب عليك ان قلت لك ما احبّه
وأكذب عَليّ ان قلت أكثر منّك
لو تفتشين القلب ما احدٍ طبّه
غيرك .. ولاني ناوي أبعد عنّك
اللي تحبّينه يحبّه ربّه
والكون يضحك لا ضحَك له سنّك
ما هو عشان النار بي مشتبّه
وَلا لأنك غاليه .. لأنّك
حبّوبه و” دبدوبه “ ووش ذنبه
قلبٍ عشق قربك وعاشق فنّك