قولوا لها

الجادل اللي سافرت يوم الاثنين
بأمانة الله لا يطول سفرها
من سافرت من بيت أهلها ليالحين
وعيني لك الله ما اهتنت في سهرها
مغير أجاذب عبرة القلب والعين
وصلف الهموم اللي طرقني دهرها
وآسج بأفكاري ولا أدري على وين
أثر الهوى لا طب نفس دمرها
قولوا لها تكفون يالربع الأدنين
البعد هو سم القلوب وخطرها
وإن كانها غرت سلوم المحبين
ولاهز بعدي شعرة من شعرها
بدعي عليها وقولو آمين آمين
تبلا مثل ما الله بلاني بكدرها