صدى الونات

بهذا الصدى الجميل والمعبر يصافحنا سعد الدوسري من جديد وقصيدة لها نفس البصمة والأسلوب الراقي لشاعر نتوقع له الكثير من النجاح والتميز ..
أنا أشهد ماتبقّى وسط قلبك يا الرياض إحساس ==0==
==0== ألا ياكيف تاخذها عن عيوني وهي شوفي؟
عنودٍ كل ماقام القلم .. لمعانق القرطاس ==0==
==0== لقيته بس يكتبها وحبره من حشا جوفي
حبيبي والغلا مثل الفضا ماله مدى وقياس ==0==
==0==أحبّك كثر ماشفتك تهادى .. داخل طيوفي
وكثر مادقّت الذكرى على .. نسيانك الأجراس ==0==
==0==وكثر ماحطّت كتوف الرفيق .. وشالت كتوفي
متى تقرب علي أقرب على روحي من الأنفاس==0==
==0==متى تعطف يديك الناعمه .. لمصافح كفوفي؟
ضميتك حب وإتكسّر قبل .. مدّة يديك الكاس ==0==
==0==وأنا خوفي تكسّر خاطرٍ لي فيك .. ياخوفي ؟
حبيبي كل ماهبّت جنوب .. وذعذع النسناس ==0==
==0==على ذاك المكان اللي جمعنا .. طوّل وقوفي
بكيت بدمع خالطه التوجّد .. والرجا والياس ==0==
==0==وأنا أصرخ في ضمير الوقت : دثّر وحشة ظروفي
حبيبي مانسيتك لو نسى صدق الكلام الناس==0==
==0==ولا أصخيت بمقامك لو غرامك .. قرّب حتوفي
وكانه ياهوى يغلب على (هقوة غلاك) إحساس ==0==
==0==تعال إسمع صدى الونّات .. يكفنّك عن حلوفي؟
سعد الدوسري