تخاريف أبو العريف..!!

@@ أبو العريف الدنيا مولعة بالشرقية هالأيام؟
اسكت تراني اكتب هالزاوية قبل مباراة الاتفاق والقادسية واخاف احش في واحد منهم ويطلع فايز واتفشل مع هالعالم ترى نتائج الاتفاق والقادسية في الآونة الاخيرة متقلبة.
@@ (زكية زكريا) ايش اخبارها؟
يكفي ما جاه خليناه مثل.....!! وهو من تطري (بودي) الرزين اللي خلوه اداري لمنتخب الناشئين يجيه جنونه..!!
@@ ومنهو هذا ابو عيون (خضر)؟
هذا اللي جاب العيد في (زكية زكريا) وابو (شنطة) فكروا ان الاخضر (رايح فيها) وجات النتائج صفعة لهم.. حسبي الله عليك يا بو عيون خضرة خليتهم يجابون 1+1 = 31 كله يتذكروا نتيجة الارجنتين.
@@ لكن يقولون بعض الناس مور اضين عن المستوى والنتائج؟
الله.. الله.. لأن هم لما كانوا مشرفين تأهلنا للنهائيات وحققنا الفوز في جميع المباريات والميزانيات ما وصلت المليون.. من حقهم مايرضون عن نتائج البرتغال، لان نتائجنا في فرنسا الله اكبر (امسك الخشب) لا يحسدونا لا حتى البرازيل ابشرك فزنا عليهم في مصر، الحمدلله انه مو راضي لانه لو كان راضيا ما فزنا على الارجنتين.
@@ والربع ايش اخبارهم؟
يقولون قاموا (يتهاوشون) في المنتدى، ومن يجي اسم (الميدان) كأنه فيروس يمحي كتاباتهم، مساكين انخليهم يكتبون طوال اليوم وبعدين.. رأسك سالم تنمسح، لا ويقولون بعد احنا نكتب.. ما يحتاج يكفي اسطر معدودة كل اسبوع في ميدان الجميع وتولع طوال الاسبوع هناك.. (عساكم على القوة يالربع يكفينا الوقت والجهد الذي تبذلونه: علشان ابو تخاريف).
@@ ابو العريف.. ايش اخبار اعتزال ماجد عبدالله.
خذها مني.. آخر كلام نهاية الموسم الحالي ومع منتخب اوروبي قوي.
@@ والثنيان ممكن يسويها؟
لكن الاهم ايش مصيره، ممكن يصير مثل ماجد عبدالله.
@@ والجابر؟
لسة بدري (عيني عليه باردة) سام دائما ما يظهر في الوقت الهام.. صدقني وستجد صحة كلامي في نهاية الموسم.