تخاريف أبو العريف..!

@ ابو العريف اشلونك.. وايش اخبارك؟
اللون لاتسأل عنه مثل العادة املح من الخليج, والاخبار مغلوطة, والحقيقة مفقودة, والحق اصبح باطلا والعكس صحيح في هالرياضة.
@ ليه هالحكي؟
قصة صارت قدامي, ولما سمعتها من الناس لقيت الرواية مختلفة 100% وعرفت ان هناك من يجعل الحق باطلا, والباطل حقا.
@ ابو العريف خلينا من كلام الطلاسم, وقول لنا ممكن الخليجية والعربية تصير سعودية؟
الدلائل تشير الى ذلك, ولكن مع ذلك الحذر واجب.
@ ايش اخبار الزعيم في الدوحة؟
الزعيم هو الزعيم سواء في الرياض في الدوحة, لكن بعض اللاعبين يصرون على..!
@ وعرب جدة مين اللي بيحسمها؟
وفيه غيره.
@ مين الاهلي؟
ومن هو غيره..!
@ ووين الاتحاد؟
قلت لك مين غيره.
@ حيرتنا يابو العريف مين اللي بيحسمها؟
* الجواب الاكيد مين قده.
@ الا بسألك يابو العريف, احنا ما نفهم كرة يد, لكن اللي صار في البرتغال نتائج تبيض الوجه للاخضر, والا السالفة ضايعة؟
* السالفة وايد زينها, والاخضر بيض الوجه, والدليل ان منتخبات مجموعة الاخضر هي الاميز في الدور الثاني.
@ ولكن البعض يقول ان الفوز على الارجنتين وحده لايكفي؟
يعني البعض ترى اداء الاخضر بهرهم وقتلهم, لكن السالفة مش سالفة نتائج ومستويات السالفة سالفة المطرود اللي ذابحهم وقاتلهم او ايضا ذابحهم, كل ما قالوا انتهى فاجأهم بشيء جديد, والجديد هالمرة اول فوز في بطولات كأس العالم وعروض اقوى من السابق.
@ لكن يقولون اللاعبين معنوياتهم صفر بسبب التغيرات الاخيرة في الجهاز الاداري؟
* والدليل ان الحارس العالمي قال عقب الفوز على الارجنتين, وبصوت مسموع اليوم ابو نوف عطى (...) كف على وجه لن ينساه طوال حياته. هذي سالفة المعنويات الصفر وواحد ثاني يقول الله ريحنا من اللي اخذ..!! وثالث قال الحين عرفنا الفرق.
@ ابو العريف ايش سالفة الاتفاق؟
* الطويرقي اعلنها لا اتفاق بالاجانب.
@ والادارة ايش سوت؟
* كالعادة.. الطاعة ياسيدي..!!