جمعة نشاما

==1==يا ما حلا جمعة نشاما و دله==0==
==0==وسوالفٍ من شايبٍ جاله أفعال
سوالفٍ من شايبٍ ما تمله==0==
==0==والسالفه لاجات يصفى لها البال
من شايبٍ ما أحدٍ خبر عنه زله==0==
==0==ولا ازعل رفيقه عند دنيا ولا عال
في مجلسٍ تلقى النشاما تدله==0==
==0==والطيب فيه يدوّر ويصب فنجال
ولاّ بروضٍ فايحٍ عقب عله==0==
==0==ما سيّرت فيه المواشي عقب سال
في رحلةٍ تنسا بها الهم كله==0==
==0==خوة نشاما بين شده ومنزال
مهيب ثرثرةً على روس شله==0==
==0==تضحك لها جمعة سفاهين وأنذال
الصدق جنّب عنه والكذب هله==0==
==0==وتجاوبوا معه الجماعة على الحال
يا مال قصافٍ لعمره يتله==0==
==0==قدام يفسد جيل ويخرّب أجيال
وأنا ما احب الشر دقه وجله==0==
==0==نفسي تحب الخير لو فالخلا الخال
وغيري رجالٍ قرب أحدهم يدله==0==
==0==أفعالهم عبره ويضرب بها أمثال
وللي ربط له مهرةٍ فلوةٍ له==0==
==0==ويلحق عليها الخيل سمّوه خيال==2==
@ سعود بن حباب @