أغاني

حزة الضيق
لا غابت النفعات في حزة الضيق
وقت الرخا كل رفيق وافي
النفعة اللي ما شفت يابس الريف
وش ينبغي في نفعة ما تشافي
الصيفي بن محمد الجريس
بعض القصايد غذا
وبعض القصايد سم
وبعض القصايد كذا
صرخة بليا فم
الورد ينزف شذا
والجرح ينزف دم
ومابين هذا وذا
شوف المسافة كم؟!!
الحميدي الثقفي
عطش
الا يا الزاهر العطشان وش خلى الحكي بارد
عساه من البراد اللي بصدر الليل واطرافه
حبيبي لو وجيه الخلق مثل جروحها تارد
تشوف الناس غير الناس جروح القلب خوافه
سعود بن عبدالله
غربة
جاء يشوف الحال كيفه عقب ماهزه حنينه
قبل يسألني سالته كيف حالك يالحبيب
قال:انا كني غريب ضيع دروب المدينة
قلت:انا كني مدينة تنتظر رجعة غريب
فهد المساعد
نسيان
ياصاحبي لاتنشد النسيان عن نقض الجراح
دامي حفظتك حفظ منهاج الحروف الأبجدي
والله ليفنيك احتضار الروح وعظامك صحاح
وأعيش في نبضك مثل حلم الخيال السرمدي
وإن هل دمع (أبعاد) كل الكون لو يغريك طاح
لا تأمن الدنيا ولك قلب يتوب ويهتدي
رح يا فقيد الروح مالك في وسط عيني سماح
والله يسامح عبرة طاحت وغطتها يدي
أبعاد التركي