جريح الذكريات

يوم مرّت قلت لحظه قالت انته وش تبي
... ... هات علمك قول ياالله هات علمك هات هات
قلت مادري بس شفتك قمت اصفِّق بركبي
... ... تهت فيكُ وءضعت بين عءيون سودٍ ناعسات
قالت اخطيت الطريق وءقلت من قلّك نبي ؟
... ... كلنا نخطي ونخطي مير لله الثبات
قالت اطغاك الغرور ولاتجي ربع ذءهبي
... ... قلت جوزي عن غلطك ولايجي منك انفلات
ماني بءعبدٍ لابوك ولاشءتغل عندك صبي
... ... لاولا جيتك فقيرٍ يطلب ايديك حءسنات
قالت الظاهر زعلت وءقلت انا رجلِ عءربي
... ... عزّتي تسمو سمو الشامخات النايفات
قالت امزح قلت مزحك زوّدِجءروح اتعبي
... ... كلِّ شي الا الكرامه مابها جودُ وءهبات
قالت اطلبك السموحه والعفو ذا مطلبي
... ... ماقصدت اجرح شعورك ياجريح الذكريات
والله لسانك فصيح وءمذهبك من مذهبي
... ... بس فيك من الغموض اشياء واشيا مبعثرات
بسألك وش تفتخر به قلت قصدك منسبي ؟
... ... منسبي من منسب اهل الطيب واهل المكرمات
ربعي اللي فاللوازم ماتجي مشيُ وءحبي
... ... تمتطي صهوة خيولٍ للوازم مسرجات
تنطح جيوش المعادي لين تسبيها سبي
... ... مايعرفون التخاذل والبيارق عاليات
قالت اش معنى جروحك قلت عنوان اكءتبي
... ... ابتدت بي واعصفت بي من عصورٍ ماضيات
الجروح اسهام رامي والحشا مثل الضبي
... ... جافلٍ منهن وهنّه يطردنّه ساريات
قالت ادله قلت من يدله عنِ جءروحه غبي
... ... كيف يدله من جروحه وسط روحه جايرات
قالت اشقاك الغرامُ وقلت يصفَى مشربي
... ... لاتجرّعت الغرام بكف سيّدة البنات
قالت العذال دونك والعواذل ماتبي
... ... همّهم تفريق شملِ قءلوبنا المتوالفات
قلت دام الزرع زرعي والعنب صار عءنبي
... ... والله انّي ماتلفّت فالطيور الطايرات
خلّي العاذل يموتِ بءحسرته يامكسبي
... ... واسلكي دربٍ نحقّق فيه اغلى الامنيات
قالت اطربني كلامك ..وين عنّي مختبي ؟
... ... ياعسا تفداك روحي والسنين المقبلات
قم معي نبني صروح الود يالشهم الابي
... ... دام مقصدنا شريفُ وءمالنا عنّه غناة
وهذي القصّه مع اللي جت وقالت وش تبي
... ... هات علمك قول يالله ياجريح الذكريات