الأمير عبد الله الفيصل

شاعر وأكثر من صورة

مثل ماخذت قلبي (قلبك المحبوب )عطني اياه
على شان انتساوى في المحبة بالموازيني
ايلا قارنت غيرك بك خجلت وقلت:وانقصاه
انا وشلون اقارن كامل الاوصاف بالشيني
***
آهات
حبيبي الغالي تجرعت فرقاه
بالله وش خليت لي يا زماني
مالي جدا الا اتبع الآه بالآه
ماهيب من حلقي، من اقصى المحاني
***
شباب دائم
رجلي تيامن غصب كانك تيامنت
وان خذت باليسرى تياسر اخطاها
ولوفات لك تسعين بالعمر ما شنت
في عين نفسٍ علقت بك رجاها
***
عواذل
كلن عذلني فيك عدوان واصحاب
وأقول خلوني وكلن وشانه
وان قيل الابدل احباب باحباب
قلت آه لكن من يسد بمكانه