شبه الجفول

شفتك وجانى من عيونك ذهول
كنّى المشلول من تحت ركبى
أتحرى الشوق يا شبه الجفول
والله اللى جاب لى عيون الظبى
أنعشى وردٍ تمايل للذبول
واجلسى ما بين بنتين وصبى
خلّى عنك الخوف وأنصاف الحلول
أقبلى وأجيك وأحبيلك حبى
عيبك إن عينك لها طرفٍ خجول
لا لمحته قلت يا دين النبى
كل زول يمرنى بعدك يزول
كل ما فينى يصوت لك أبى
عقلى وقلبى وعينى لك تقول
بس أمرنى وقلى وش تبى
والله إن الشوق فرسان وخيول
لو تهز القاع تسبيها سبى
الوعد قدام لا دقوا الطبول
وارتفع راسى ويدحم منكبى
جيت بين أمرين والقصد الوصول
الوله يعطيك وعيونى تبى
ناصر بن دهيم – شاعر كويتي