مرتاح

متى يجيني وقت وأقول مرتاح
.........متى يفارقني الغرام وصدوده
أنا تعبت وهاجس الصدر ما باح
.........مليت من شي تعدا حدوده
طاح العنا مني وأنا أقول ما طاح
.........ما زال يسقي من عروقي وروده
يا ولله اللي ساكن ما اعتقد راح
.........بيروح لا قالوا عصاته تقوده
يمسي معي الصبح ينوي بمسراح
.........ويعود في وقته ولا اخلف وعوده
هي عادته عيا مع الوقت ينزاح
.........من بد خلق الله جعلني وقوده
عزاي في برق له سنين ما لاح
.........عنده مفاتيح الغرام معقوده
وان باعدت عني يا ايو نجد الافراح
.........رضيت بالمقسوم نقصة وزود