يرعاكم الله يا صقور الجزيره

يا الله يا سامع طلاب المخاليق
يا الواحد اللي ماترجيت غيره
تقسم لنا من كل فجة توافيق
بيدك مفاتيح الفرج والسفيره
تحفظ بلدنا من شرور وتعاليق
اهل النفوس الحاقدات الحقيرة
ارضاً سعودية طروق وطواريق
من فضل رب الكون دوله كبيره
تضرب بسيف النصر رؤس الزناديق
هذا جزاء فعله وهذا مصيره
ضربه على عنق الظهر والمعاليق
تقطع تعاليمه ويقطع جريره
فاحت صدور الغل فوح الاباريق
وحنا السموم اللاهبات السعيره
نطفي نيار السوء فعلا وتصديق
الشر يعطي للوجيه الشريره
المملكه فيها سلاح وصواعيق
والمدفعيه والذخاير كثيره
الحد محمي عبر حكمة وتدقيق
والأمر يرفع من مدير لمديره
لما تعود الثانيه بعد تنسيق
يعطى مقابلها قضيه خطيره
استبشروا بعد المشقات والضيق
يا هل البلاد اتباشروا بالسفيره
جاكم بشير الخير امن وتسويق
من دولة ذخر الوطن والمسيره
عبدالله وسلمان بلالة الريق
يرعاكم الله يا صقور الجزيره
انتم صناديد الشيوخ المطاليق
لاغيمت الاجواء ظلال وخيره
حكامنا رحمة وعدل وتوفيق
مالك لشعبه حب داخل ضميره