كان كاتب اللغز الماضي للشاعر سالم البشري من الجبيل ويقول: شفت رجال حوَل لا حقٍ له غريق احسبه ينقذه واثره يبي يذبحه والعداوه مديمه واخويا بالطريق والطياره سليمه والبلا الاجنحه وقد توصل للحل شعرا: له جناحين وفيهم علقوه تعليق لا وقع وسط كاسه بعضنا يلمحه كان طاع الذباب فظنتي ما يفيق سم بالله واشرب واغمسه واطرحه احمد بن ناصر المحرج - الرياض سالم البشري مرحب يا هلا بالرفيق جبت لغز مكمل كلنا نمدحه اصبعك يوم حول مقصده للغريق والذباب انتهى مات في مطرحه علي رشيد الرشيد - رياض الخبراء أبشر بحل لغزك مرسله بالطريق بالخزامى تشوفه والشطر يشرحه الذبابه ذبابه والجناح الغريق هام لغزك براسي ما قدرت ألمحه محمد ابو دحيم العريني - البدائع وعلى وزن اخر الذباب ابو جناحين مااحدن يمدحه والله انا عارفينه وسالم خابره في حديهن داء والاخر دواء من يمنحه هو على نفسه وغيره تجي خسايره هوغبي ماهوذكى يتبعك لوتكسحه لله الي معميً ياعرب بصايره سعد صنهات السهلي - الدرعية أعتقد أن حل اللغز هو (الذبابة) والله أعلم خلف بن عايد السحوم بريدة لغز الأسبوع يكتبه هذا اليوم الشاعر احمد بن ناصر المحرج من الرياض ويقول: بنت عطوها لون من ضمن الالوان وصف لها يحلل امور كثيرة من مال عنها تاه في كل الازمان ولا ينفعه ربع ولا اهل وعشيره قول عزيز ما يقدر بالاثمان من ضيعه صارت امور خطيره نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.
