كل اتصال

ا يجي من حضرتك غالي
حتى لو أن الدقايق فيه موقوته
الصوت في نبرته يرتاح له بالي
لبيه ياخلٍ انعش خافقي صوته
كيفك وش أخبار حالك يابعد حالي
أهلكني الشوق في صمته وطاغوته
حياالله اللي غيابه غيّر أحوالي
ثوّر مشاعر خفوقٍ قبل مكبوته
من خمسة أيام بين اقفاي واقبالي
كن المواعيد وسط القلب منحوته
في كل يومٍ اجدد للقا آمالي
ياالله عسى احظوظنا هاليوم مبخوته
والعمر يمضي ولاادري وش هو التالي
وأنا بدونك حياتي شبه ممقوته
ولاعاد لي بالصبر حيلات واحتالي
دام المفارق قنابل موت موقوته
طعني مدام الغلا بالقلب لازالي
تعال خذ عاشقك لاياخذه موته