( كلنا للموت )

فجع الشاعر فهد بن ضيف الله الغيداني بوفاة عمه (والد زوجته) هاجد الغيدني فجر27 رمضان في المدينة المنورة يرحمه الله والفقيد خال الشاعر لافي بن حمود ومع تعازينا للشاعرين ،ابايزيد واباحمود وأبناء وذووي الفقيد، ندعوكم لمشاركتنا قراءة هذه المرثية التي أنداحت بها قريحة ( فهد ) ثالث أيام العيد والتي يجسد من خلالها مشاعره تجاه هذا الحدث المفجع حيث يقول:
صبرت واخترت(كتم الصوت)=ماودّي أبكّي عيالك
لكن لقيت القصيد يفوت=من بعد ماشفت جوالك
الموت ياكبر حجم الموت=اللي قدر يحمل أفعالك
ياعمي الطاهر المبخوت=تموت...ماماتت أعمالك
ياما بنيت وفتحت بيوت=آثرت لأحوالهم حالك
وياماتركت الأكل والقوت=لامرّ جايع على بالك
عند اللقا والعباد سكوت=ترجح بوزنك ومعدالك
مانعترض! كلنا للموت=لكن ذكرت أجمل خصالك