بواقي حظ

متهالك سكني من زمان ٍ فات
جبر افكار تسري بي سفيرة هم لحزاني
أحس بجورها الطاغي غريق وطاح وسط اشتات
يعيش العمر متظاهر امام الخلق مايعاني
وحلم ٍ بعثر افكار القريحه واستوت ابيات
شعور يثور من سبة شماتت بعض عدواني
عقود اربع مضت لي في حياتي تحمل البصمات
يجيها يوم تبعدني واحس الوقت ينعاني
وياكم بالكون من ساقط تبيّن يرقب الخملات
منى مثله يجيه السعد لافرّق بين الأثناني
عسى الله مايكثرهم عسى الأنذال بالأموات
جنوا في صفحة الطيبه عثوا في كل ميداني
زمان ٍ يتعب العاقل يعيّش بعضنا بمأسات
تخّف النذل في وسطه خماله بيننا يباني
واذا جينا على الواقع ظفر لكن بحب الذات
لئيم وطبعه الأسود يسوق البخل منّاني
كدر هيّض بيوت القاف وخلى الضيم له مركات
أجل ينطق خبيث النفس ياكيف الطيب ينهاني
زمان ٍ وضّح المخفي تبين الخلق بالوقفات
شدايد وقتنا تنبي عن المجني عن الجاني