إن كنت تشكي هوى الطير

هذه القصيدة التي كتبتها مجاراة لقصيدة الشاعر عبدالرحيم المطيري المنشورة في عدد سابق.
إن كنت تشكي يالمطيري هوى الطير
أنا هواي اللي ذبحني هواها
الجادل اللي بالبني وصفها غير
كل البني جاها الحلا من حلاها
اليا ضحكت لي بالثمان المغاتير
بدالي الموت الحمر في شفاها
والخد براق سحابه مزابير
يمطر على ديار بسيله سقاها
والقرن الاشقر فوق متنه دعاثير
والعين مايشبه عين هيا سواها
وهيا نبي نرسل باثرها مداوير
ومكافاة للي ذكرها ولقاها
ندورها مع السهل والعثامير
ومع الطيور الطايره في سماها
ومع السراب ومع هبوب المعاصير
ومن فوق سفن راسيه فوق ماها
وان جابها الله صار خير على خير
ولاصبرت وعاذك الله بلاها
والحر مثلك مايتوجد على طير
وكريتن تشري غداها وعشاها
زبن مقبل العنزي