صوت الصورة

صورة تحيّر لها عقلي
مدري وش الحل يا شبان
هذي الحبارى مع الصقري
والكل ميت وش العنوان
يمكن قطو يا بعد كبدي
قطع جناح الصقر بأسنان
عبد العزيز الصالح - القصب
يا طير ياللي بالفضا تدرج الحوم
وجاك الغشيم اللي قطع لك جناحك
منت الوحيد اللي بهالوقت مظلوم
إنسانها أصعب من عناك أو مطاحك
يا طير ألف إنسان مذبوح باليوم
وأنت الذي ظالمْك ضمّد إجراحك
فهد عقيل الطويان - بريدة
يا الله ترحم حالت الطير ﻻطاح
طايح وينظر للجناح الموالي
ما عاد له حيله.. وﻻفيه مسراح
والطير الآخر ما يبيله سؤالي
حمد عبدالله الوايلي - حوطة سدير
جاب الحبار الطير صكوه بالعين
قصة جناحه عين تشبه للأمواس
مابه أثر للطلق بإحدى الجناحين
طيّب ولكن من الحسد صار محتاس
موسمك يا الصقار هدّ الشياهين
واقر عليه الفاتحة.. وسورة الناس
سعود عبدالعزيز الهزاع - نعام
يا طير شوف الكمبيوتر هذي فعلته فيك
خلاك في الصوره مكسور الجناحي
الناس يا هيثم قصايدها في أمّك تواسيك
مالومها في الصوره اللي حبكها رياحي
صورة عدد لوشفتها زين تلهيك
أثر الكمبيوتر حلال القوم ماهوب صاحي
عبدالرحمن أحمد الكنهل - الرياض
صاد الفريسة صابه اجرح واجراح
الله يعين اللي فقد شي غالي
المشكلة لا صار فاقد له اجناح
أهم ما يملك من أوّل وتالي
بشائر القحطاني - الرياض
صورة العدد السابق