كان كاتب اللغز الماضي الشاعر صلاح بن عبدالله اليابس من الدمام ويقول: أنشدك عن رجال يحتاج تغيير واجب علينا يا جماعة نغيّر واللي موكل به ثلاثة بهم خير واحد بيدك وما تبقّى صغيّر وقد توصل للحل شعرا: صلاح حيه عد مارفرف الطير وفعل يبي مايفعله غير خير المنكر ان غيرت تكسب به الخير باليد ثم لسان قلبك اتغير فهد بن عقيل الطويان/ بريده صلاح جاب اللغز يحتاج تفكير والا بعضها سهل ماهو يحير وفكرت فيه وغصت في جمة البير باليد ولسانك وقلبك تغير احمد بن ناصر المحرج بيدك اتغير ثم تجزا به الخير ياشفت منكر لازم انك اتغير ويمكن يكون أبلغ من الأيد تأثير ان كنت ماتقدر السانك يغير و في قلبك أنكر ثم زف التباشير ان ماستطعت بالسانك انك تغير مشعل فهد مهوس الشمري / الرياض انا اشهد ان اللغز يحتاج تفكير واللغز هذا ياجماعه يحيّر. ومن لانهى عن منكرما به الخير واللي مايقدر لوبقلبه يغير. خليف فهيد الحربي/ الرياض يمكن تطيح بشر يامدور الخير لاقالوا غير قلت ماينتغير راعي المعاصي جعل بأوسط زمهرير يستاهل التقدير رجال خير حبيب فريح الشامي - البدائع يامرحبا باللي بنى لغز مثير واللي موفق بالثلاث يغير الحل منكر والجماعة بهم خير لا صرت جازم بالأمر لا تحير علي رشيد الرشيد - رياض الخبراء صلاح يستاهل حليب المباكير يالله عسى من سمع لغزه يغير الحل منكر وارد به تفاسير بيدك وبلسانك وقلب صغير محمد ابو حيم - البدائع يابو مهنا مرحبا دون تاخير اللغز وارد رمعته ماتحير المنكر الي ينكره فاعل خير حسب الحدث شوف المناسب وغير سالم البشري /الجبيل لغز الاسبوع كتبه للصفحه الشاعرطلال الرشيد من الجبيل ويقول : ياويش ورع جديد ركز اطنابه يشع نور على الاجواد مكروهي لو جاه ورع صغير مر ماهابه ويخوف اللي عليهم زود مشروهي وسلامتكم نستقبل الحلول عبر الايميل [email protected] او الفاكس 014871070 كما نرحب بطرح الألغاز الجيدة.
