صوت الصورة

الطفل لا جا المدرسة صار مهموم
من كثر دروسه صابه الهم وانحاس
من ثقلها المسكين ما هوب مليوم
يحتاج جدول يخفف الثقل يا ناس
وكانه على هالحال فاليوم مظلوم
لا بد من وقفه ترا الطفل حساس
محمد بن عبدالعزيز الخنيفر. أشيقر
مكتبة متنقلة في ذا الونيت
فرصة البايع في موسم دراسة
ويالزبون ان كان لعيالك شريت
حاسب اللي ماتبين غير راسه
دور العيشة ما لبس الجكيت
ولا اخذ الموضة من الغرب بلباسه
سعود عبدالعزيز الهزاع - نعام
رحناعلى ماقيل تحت الحديدة
قرب الوعد قربت مقاضي جديدة
دارالزمن والعام يبدى مسيره
شنطة على شنطة ولوازم عديدة
حمد عبدالله الوايلي
تتعب وتشقى وتجني لك أثمار
وتحقق أحلامك وتصبح سعيدي
ترى الجهل فيه المصايب والأمرار
وأحذر تكاسل في دروسك بليدي
بشائر القحطاني - الرياض
الدروس ثقال والطالب ضعيف
من المدارس ننتظر رد(ن) سريع
طالب(ن) يرتاح في شيل الخفيف
لازم بحل(ن) سريع(ن) للجميع
حطوا الجدول ترا ما هو كليف
الثقل أعيا الطفل لا يستطيع
ريان محمد الخنيفر/الرياض
ما بان غير الراس والعفش مركوم
من شاف شكلك قال مالك مكاني
حملة حقايب تودع العقل منجوم
ويعجز لها التفكير رصد المعاني
شناط المدارس تكسر الظهر يا قوم
كم طالب مسكين منها يعاني
خالد بن ناصر المخيمر - روضة سدير
لوازم التعليم شف وقتها قد حان
واكيد إن اسعارها فاقت العام
وتحوَّل الدباب بالشنط دكاَّن
والورع ينده بالسعر كل سوَّام
والرزق سعيوفيه تشغيل الاذهان
وقبل ذلك خوف من رب الأنام
سعود عائش الحربي
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 0114871070
ونرحب بما تلتقطه عدساتكم من الصور
الهادفة والطريفة.. ويا هلا ومرحباً
صورة العدد السابق