صوت الصورة

الله لطف شوفوا الجسر فوقه الناس
على المراكب يوم ينقص نصفين
وان كان راحوا في بحر ماله قياس
يغرق به الرجال في رمشة العين
سعود عبدالعزيز الهزاع - نعام
الجسر مكسور وباين خرابه
أصبح خطير والعرب فوق يمشون
والموتر اللي فوق مفتوح بابه
عمالةٍ حوله وخطرن يطيحون
عبدالمحسن بن محمد المحيسن
رياض الخبراء
هذا لعب أطفال ولا حقيقه
وين المهندس كيف هذا يصيري
مهندسٍ محسوب ضيّع طريقه
كانه على هالحال ما هو جديري
هذا العمل مرفوض محدن يطيقه
لازم يجازى حيث فعله خطيري
محمد بن عبدالعزيز الخنيفر - أشيقر
احد تطور مبدع بكل الأحوال
مسيرته تمشي من الخلف قدام
يبني دباره منتج زود الأعمال
واحد تخلف في زمانه مية عام
يهدم دياره متلف الناس والمال
ولا يبالي لو غدت كلها حطام
حمد عبدالله الوايلي - حوطة سدير
زود الحموله خلت الجسر ما يل
والناس جاها الخوف من حادث الغاز
وين المقاول ليه سوا الهوايل
وسافر بلاده بعد بالكاش ما فاز
شغل الردي دايم نتايج فشايل
ومن الذي أعطاه شهادة إنجاز
خالد بن ناصر المخيمر – روضة سدير
ناس تحب المال وبلا رقابه
كيف التلاعب حاصلٍ يا الرجاجيل
ولا بد للمهمل يلقى عقابه
واللي نشوفه بيّن يا الحلاحيل
وين المهندس وين حضرة جنابه
هذي فعول صدق ولا تماثيل
ريان محمد الخنيفر – الرياض
الجسر مقطوعٍ وهذا خطيري
تحذروا من سرعةٍ فالطريقات
الحرص واجب في طريقٍ سريعي
الله يستر جعل ما به خسارات
سعد ناصر المسفر
خطر .. خطر منظر صعيبٍ وهايل
الجسر صابه شلخ والناس يمشون
واصبح خطير وصار بالفعل مايل
تنبهوا يا ناس لا لا تروحون
بشاير القحطاني - الرياض
صورة العدد
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
ونرحب بما تلتقطه عدساتكم
من الصور النادرة والطريفة
ويا هلا بالجميع ..
،