جيت أمير عندنا يوم عيد

باسم الإله أبدا على كل بادي
الواحد المعبود ماله نديدي
ومن بعد ذكره يالنشاما عيادي
جية أمير وعندنا يوم عيدي
بأميرنا اللي زارنا من ودادي
خالد ولد بندر ونعم الحفيدي
والنائب اللي مخلص باجتهاد
تركي وتركي والنعم به عضيدي
عيال الموحد للعرب والبلاد
عشنا بأمان والمرازق تزيدي
وصرنا بخير عقب ذاك الهجاد
اخوان وأعوان قريب وبعيدي
واحفظ ملكنا وانصره عالأعادي
أحسن ملك بالعطف ورأي سديدي
يوم احتضن طفل الشهيد المفادي
هلت ادموعه والخلايق شهيدي
ولا أنس ولي العهد سقم المعادي
سلمان سلمان الوفاء بالوكيدي
عساه ممن طال عمره وزاد
درع الوطن سقم الحريب العنيدي
عساهم الحكام لهذه البلاد
إلى آخر الدنيا وهم بالمزيدي
والمدح لو أمدح ينفد امدادي
ويقصر عن آل سعود قول القصيدي
والختم ذكر اللى به القول بادي
رب عظيم يفعل اللي يريدي